Guruchli salat - juda ham mazali va vitaminlarga boy bo'lib, ushbu salat butunlay ikkinchi taom o'rnini egallay oladi. Yengil va foydalanilgan masalliqlar bir-biri bilan kirishib, ajoyib ta'mni sizga taqdim etadigan salat. Bekajonlar hech ham o'ylanmasdan salatni tayyorlashga kirishing. Retseptni saqlab qolishni aslo unutmang! Sababi ushbu salat sizga va yaqinlaringizga juda ham ma'qul bo'lishi turgan gap.
Kerakli masalliqlar:
- 200 gramm jigarrang guruch
- 150 gramm yosh no'xot
- 100 gramm salat bargi
- 40 gramm ismaloq
- 100 gramm pomidor cherri
- 0,5 bog' petrushka ko'kati
- 2 osh qoshiq zaytun yog'i
- 2 choy qoshiq pyurelangan olma va sharbati
- 6 osh qoshiq sabzavotlar bulyoni
- 2 choy qoshiq sharob sirkasi
- ta'bga ko'ra tuz va murch
Tayyorlash usuli:
1. Kastryulkada 600 ml suvni, tuz solib qaynating. Qaynagan suvda guruchni butunlay tayyor bo'lgunga qadar pishiring. Tayyor guruchni sitoga suzib oling. Butunlay suvi ajralgunga qadar, 40 daqiqa davomida sovuting.
2. Salat uchun zapravkani tayyorlang. Buning uchun: tog'orachada sabzavotlar bulyoni, sirka, olma sharbati, tuz va murchni birlashtiring. Venchikda doim aralashtirgan holda, nozik oqimda zaytun yog'ini quying.
3. Kastryulkada 300 ml suvni, tuz solib qaynating. Yosh loviyani tozalang, yuving, ikki qismga bo'lib chiqing va 1 daqiqa davomida qaynating. So'ng, no'xotni sitoga oling, sovuq suv ostida, bir necha daqiqa qoldiring va quriting.
4. Salat bargi va ismaloqni yuving va quriting. Salat bargini qo'lingizda, o'rtacha kattalikda to'rg'ang, pomidorni bo'laklarga bo'ling, petrushka ko'katini mayda to'rg'ang va ismaloq barglarini tanasidan ajrating. Masalliqlarni salat idishida birlashtiring.
5. Masalliqlarga guruchni soling va extiyotkorlik bilan aralashtiring. Salat uchun tayyorlangan zapravkani yana bir bor aralashtiring va salatga quying. Salat tayyor!
Yoqimli ishtaxa!