Spring-roll Veytnam oshxonasining sabzavotli, qo'ziqorin, go'sht, dengiz mahsulotlari solib tayyorlangan rulet ko'rinishidagi taomidir. Bekajonlar ushbu taom taomnomaga yangilik kiritishning va yaqinlaringizni lol qoldirishning to'g'ri tanlovidir. Nozik va mazali ushbu taom har qanday dasturxonda e'tiborsiz qolmaydi. Aziz bekajonlar sinab ko'rishdan aslo cho'chimang. Retseptni saqlab qolishni unutmang!
Kerakli masalliqlar:
- 1 dona tovuq go'shti (filesi)
- 2 osh qoshiq soya sousi
- ta'bga ko'ra tabasko sousi
- 1 dona bulg'or qalampiri
- 100 gramm ismaloq
- 10-12 dona guruch qog'ozi
- 100 gramm saryog'li pishloq (yumshoq)
Tayyorlash usuli:
1. Tovuq go'shtini yuving va quriting. Uzunligi bo'ylab 5 sm, qalinligi esa 0,5 hajmda kesing.
2. Bulg'or qalampirini tozalang, yuving va yupqa, chiziq shaklida kesing. Ismaloqni yuving va quriting. Barglarini tana qismidan ajrating.
3. Tovada qizdirilgan, o'simlik yog'ida tovuq go'shtini tilla tusga kirgunga qadar qovuring.
4. Soya sousi va tabasko sousini soling. Aralashtiring, olovni pastlatgan holda 10 daqiqa davomida qovuring. So'ng, tovuq go'shtini aloxida idishga oling. Xona haroratida sovutishga qoldiring.
5. Chuqur tog'orachaga sovuq suv quying. Guruch qog'ozini 30 soniyaga suvga tushuring.
6. Oshxona taxtasiga oling, tekislang, suvni shimib olgunga qadar kuting. Bir chetiga tovuq go'shtining bir qismini qo'ying.
7. Yumshoq pishloqdan qo'ying.
8. Bulg'or qalampiridan qo'ying.
9. Bir nechta ismaloq bargidan soling. Zich holda rulet shaklida o'rang. Asos tashqariga chiqib qolmasligi uchun guruch qog'ozi chetlarini buklang. Qolgan masalliqlar bilan ham shu holni takrorlang.
10. Tovada qizdirilgan o'simlik yog'ida, ruletni har tomonlama, tilla tusga kirgunga qadar qovuring.
11. Tayyor ruletlarni oshxona sochig'iga oling, ortiqcha yog'i ajralishi uchun. Tovuqli spring-roll tayyor!
Yoqimli ishtaxa!