Tipratikan salati - bolalar bayram dasturxoni uchun ideal tanlov. Tipratikan ko'rinishida tayyorlangan salat ham ko'rinish jihatidan, ham mazasi bilan nafaqat bolajonlarga balki, kattalarga ham ma'qul bo'lishi tugan gap. Tayyorlanishi murakkab deb aslo tashvishlanmang. Tayyorlanish jarayoni juda ham oddiy. Bekajonlar ushbu salatni albatta tayyorlang!
Kerakli masalliqlar:
- 300 gramm tovuq go'shti (filesi)
- 200 gramm marinadlangan qo'ziqorin
- 1 dona piyoz
- 4 dona tuxum
- 200 gramm qattiq pishloq
- 300 gramm koreyscha usulda tayyorlangan sabzi salati
- mayonez
- 2-3 osh qoshiq o'simlik yog'i
- ta'bga ko'ra tuz va murch
- bir nechta petrushka ko'kati shoxchasi
- 2-3 dona qora zaytun donachasi
Tayyorlash usuli:
1. Birinchi navbatda tovuq go'shti filesini yuving. Tuzli suvda, qaynatishga qo'ying va butunlay tayyor bo'lgunga qadar pishiring. So'ng, sovuting va go'shtni mayda bo'laklarda titib chiqing.
2. Tuxumni suvda, butunlay tayyor bo'lgunga qadar pishiring. Sovugan tuxumni qirg'ichning katta tomonidan chiqaring.
3. Qirg'ichning katta tomonidan pishloqni ham chiqaring.
4. Piyozni yarimhalqa shaklida to'rg'ang va qizdirilgan yog'da, yumshoq va tilla tusga kirgunga qadar qovuring.
5. Tog'orachada tovuq go'shti, piyoz va bir qism mayonezni birlashtiring. Aralashtiring. Tekis laganga tayyorlangan massani, tipratikan shaklini berib soling. Ushbu shakl bo'yicha salatni yig'ishda davom eting.
6. Qo'ziqorinlarni sharbatidan ajrating. Bir qismini bezash uchun qoldiring. Qolgan qismini solingan massa ustidan soling.
7. Qo'ziqorin ustidan tuxumni soling. Ta'bga ko'ra tuz va murch seping, mayonezdan bir qism surting.
8. Tipratikan shaklini saqlab qolgan holda pishloqni seping.
9. Koreyscha usulda tayyorlangan sabzi salatini yupqa qilib pishloq ustidan soling. Tipratikanning boq qismini qoldirgan holda. Huddi rasm singari. Salatni 1 soatga muzlatgichga olib qo'ying.
10. Salatni dasturxonga tortishdan avval zaytun donachalaridan tipratikan ko'zlari va burnini o'rnating. Sabzi salati ustiga bir nechta qo'ziqorin donachalarini qo'ying. Petrushka ko'kati shoxlarini atroflatib terib chiqing. Go'yoki tipratikan o'tloqda yurgandek. Salat tayyor!
Yoqimli ishtaxa!