Meksika oshxonasi o'zining taomlari bilan butun dunyoga mashhur bo'lib, meksika oshxonasi salatlari yorqin va juda ham mazali. Bekajonlar e'tiboringizga shunday salatlardan birini sizga taqdim etishni lozim topdim. Tayyorlangan salat juda ham oddiy. Mexmonjonlar uchun tayyorlansa ham barchani lol qoldirishi turgan gap.
Kerakli masalliqlar:
- 150 gramm tovuq go'shti (filesi)
- 60 gramm qizil bulg'or qalampiri
- 45 gramm qizil piyoz
- 30 gramm zaytun donachasi
- 150 gramm aysberg salat bargi
- 60 gramm makkajo'xori konservasi
- 40 gramm selderey
- 100 gramm mayonez
- 25 gramm xantal sousi
- 10 gramm ukrop
- 1 dona tuzlangan bodring
- ta'bga ko'ra tuz va murch
Tayyorlash usuli:
1. Piyoz,selderey va bulg'or qalampirini somoncha shaklda to'rg'ang.
2. Tovuq go'shti filesini mayda bo'laklarga bo'ling, tovada, qizdirilgan o'simlik yog'ida, 20 soniya qovuring.
3. Somoncha shaklda to'rg'algan sabzavotlarni soling. Yana 20 soniya davomida qovurishda davom eting.
4. Sousni tayyorlang. Buning uchun: mayonez, xantal, maydalangan ukropni birlashtiring.
5. Zaytun donachalari, salat bargi, tuzlangan bodringni hohishga ko'ra to'rg'ang. Salat tayyorlash idishida sabzavotlar bilan qovurilgan tovuq go'shtini va to'rg'algan masalliqlarni birlashtiring.
6. Tayyorlangan sousni soling va aralashtiring.
7. Salatni dasturxonga tortiladigan idishga extiyotkorlik bilan soling. Paprika va chili qalampiri kukuni bilan sepib, bezating. Salat tayyor!
Yoqimli ishtaxa!