Bolalik saltanatining g`aroyib dunyosi bezavol va g`uborsizki, sof-musafo havodan to`yingan bu olamda hamisha samimiylik hukumronlik qiladi. Bolalik saltanatida ko`p yillar davomida bu olamning tom ma`noda egalari uchun bir qator asarlar yaratilgan.
Xususan, jahon adabiyotining ma`lum va mashhur asari angliyalik adiba Joun Rolingning “Garri Potter” va shu turkumga kiruvchi bir qator asarlari bu olamning chinakamiga mukammal asri sifatida namoyon bo`la oldi. Bu asarning hozirda sakkizta turkumi mavjud bo`lib, asarning birinchi kitobi 1997-yillar kitobxonlarga havola etilgan. Asarning chop etilishi uzoqqa cho`zilgan, chunki muharrirlar asarni chop etishni istashmagan.
Асар чоп этилгач эса нафақат болалар балки уларнинг ота – оналари орасида ҳам машҳур бўлиб кетди. Ва энг ҳайратланарлиси шуки, Жоун Ролинг китоб ёзиш билан миллиардер бўлган дастлабки ёзувчи эди. Адибанинг китоби ўз китобҳонларини топгунга қадар яшаш шароити жуда оғир бўлган.
2006-йил 24-декабргача бўлган маълумотларга кўра, Гарри Поттер ҳақидаги олти китобнинг умумий адади 300 миллион нусҳадан ортади. Асар дунё мамлакатларнинг 63 тилига таржима қилинган.
Асарнинг катталар орасида ҳам машҳур бўлиб кетиши унинг фалсафий мушоҳадаларга бой эканидадир. Асар қаҳрамонлари Поттер ва унинг дўстларининг саргузаштлари билан бирга ҳар бир китобҳон белни маҳкам боғлаб сафарга шайланади.
Асар асосида ишланган филим эса асарнинг қимматини янада оширди. Чунончи, филимда суратга тушган қаҳрамонлар ҳам дунё миқиёсида машҳурликни қўлга киритишди. Филимда Гарри Поттер ролини маҳорат билан ижро этган Даниел Радклиффе йиллар давомида Гарри Поттер ҳаёти билан яшади десак асло муболаға бўлмайди.
Филимга бош қаҳрамонларни саралаб олиш учун режиссор Алдонсо Суарон кастинга келган ёш ва бўлажак актёрларга ўзи ҳақида кўп бетлик иншо ёзишни топширади. Эмма Ватсон (Гермиона) 16 бетлик иншо ёзади, Даниел Радклиффе (Гарри Поттер) ва Руперт Гринт эса атига бир бетлик иншо ёзишган. Том Фелтон бошида Гарри Поттер ва Рон Увизли ролига номзодлик қилган, лекин уни Драко Малфой ролига қабул қилишади. Бироқ бу рол унга у номзодлик қилган роллардан кам машҳурлик олиб келмади. Драко Малфойнинг ҳам муҳлислари анчани ташкил қила бошлади.
Сеҳиргарлик оламининг энг буюк асари ва филимларидан бири “Гарри Поттер” умри боқийлардандир. Асарда ёзилганидек “Ҳақиқат шундай ҳафли нарсаки, унга ҳамиша эҳтиёткарона муносабатда бўлиш керак.”, “Донишмандлар наздида ўлим навбатдаги саргузашт.” Асарни ўқинг ва мулоҳаза қилинг. Жон ва унинг шўҳ акалари орқали болалик шўҳликларини, Гермиона орқали мулоҳазалиликни ва Дамболдор ва Поттер суҳбатлари билан эса кучли фалсафий мушоҳадаларни ҳис қиласиз. Асарда кулги ва фалсафа елкама – елка келади.
