Agarda siz ham qisqichbaqa qo’shilgan salatlarni xush ko’rsangiz, unda bugungi yangicha salatim aynan siz uchun! Bir vaqtning o’zida ham qarsildoq va mayin ta’mni o’zida aks ettiruvchi bu salat kechki taom uchun ham bayram stoli uchun ham ajoyib tanlov bo’la oladi. Shuning bilan birga ushbu salat vitaminlarga boy masalliqlardan tayyorlangan.
Kerakli masalliqlar:
15-20 dona qisqichbaqa (krevetka)
1 bog' salat bargi
6-8 dona bedana tuxumi
6-8 dona pomidor cherri
6-8 dona mini mosarella
0,5 limon
ta'bga ko'ra tuz va murch
bezash uchun kedr yong'og'i va ko'kat shoxchasi
Tayyorlash usuli:
1. Salat bargini yuving va quriting. Salat tayyorlanadigan laganga qo'lingizda bo'laklarga bo'lib chiqing.
2. Bedana tuumini suvda pishirib oling. So'ng, sovuq suvda sovuting, tozalang. 2 qismga bo'lib, salat bargi ustiga terib chiqing.
3. Mosarella pishlog'ini ham ikki qismga bo'lib, tuxum ortidan terib chiqing.
4. Shuningdek pomidor cherrini ham ikki qismga bo'ling. Bordi-yu kichik hajmda bo'lsa, butunligicha masalliqlar bilan uchrashtiring.
5. Qisqichbaqalarni tovada, qizdirilgan zaytun yog'ida, har tomonlama, 2 daqiqadan qovuring.
6. Qisqichbaqalarni salatga soling. Limon sharbatini siqib, salatga seping, ta'bga ko'ra tuz va murch seping. Zaytun yog'idan quying, kedr yong'og'i va ko'kat shoxlari bilan bezating. Salat tayyor!
Yoqimli ishtaxa!