Sabzavotlardan tayyorlangan bu salat juda yengil bo’lib, ozdirish xususiyatiga ham ega. Bahor faslida vitaminlar tanqis paytda usgbu salat sizga yordamga keladi. Har qanday taomga qo'shimcha sifatida tayyorlangan ushbu salat dasturxon davrasida hech kimning e'tiboridan chetda qolmaydi.
Kerakli masalliqlar:
1 dona qizil lavlagi
2 dona qizil sabzi
300 gramm karam
2 osh qoshiq zaytun moyi
1 osh qoshiq limon sharbati
yarim choy qoshiq tuz
Tayyorlash usuli:
1. Karamni somoncha shaklda to'rg'ang.
⠀
2. Sabzi va lavlagini po'stidan tozalang, qirg'ichning katta tishchasidan chiqarib oling. Hohishingizga ko'ra sabzavotlarni koreys salati tayyorlanadigan qirg'ichdan chiqarishingiz ham mumkin.
⠀
3. Barcha to'rg'algan sabzavotlarni tog'orachada birlashtiring, limon sharbati va zaytun yog'ini quying. Tuz va murch sepib, aralashtiring.
4. Tayyor salat ustini yopib, 20 daqiqaga muzlatgichga qo'ying. So'ng, dasturxonga torting.
⠀
Yoqimli ishtaha!