Хәдисләр:
№1
Әгәр кешедә шушы өч сыйфат булса, Аллаһы Тәгалә кешене саклар, Үз кайгыртучанлыгына алыр, Үз рәхмәте белән аның кимчелекләрен яшерер һәм колын Үзенең мәхәббәт даирәсенә кертер.
Беренчесе – кешенең үзенә нигъмәт бирелгәндә рәхмәтле булуы һәм Аллаһы Тәгаләгә мактау-хәмед әйтүе;
икенчесе – киң күңеллелеге яки, үч алу мөмкинлеге булса да, үзенә начарлык эшләүчене гафу итүе;
өченчесе – салкын канлылык яки ачуы чыкканда үзен тиз генә тынычландыручы.
№2
Ачу хисен үзеннән ераклаштыра алган кешедән Аллаһ та җәзаны ераклаштырыр. Үз телен начар сүздән саклый алучының Аллаһы Тәгалә кимчелекләрен яшерер.
№3
Аллаһы Тәгалә каршында Аллаһның Үз ризалыгы өчен йотылган бер йотым ачудан да кыйммәтлерәк йотым юк.
№4
Нәфесе мин алып килгән нәрсәгә ияргәнче берегез дә камил рәвештә иманлы булмаячак.
№5
Аллаһ Үзенең рәхимле бәндәләренә генә рәхимле булачак.
№6
Аллаһ ризалыгы өчен өйрәнергә тиеш булган нәрсәне дөнья максатларын гына күздә тотып өйрәнүче Кыямәт көнендә җәннәтнең исен дә иснәмәячәк.