Yengil va hushbo'y sousli salat. Nomlanishi noan'anaviy bo'lgan bu salat juda ham mazali va vitaminlarga boy mahsulotlardan tayyorlanadi. Salat rangbarang mahsulotlardan tayyorlanganligi bois kamalak deb nomlanadi. Ushbu mazali salat har qanday dasturxonda bee'tibor qolmaydi. Barcha uchun manzur bo'ladigan ushbu salatni albatta tayyorlang !
Kerakli masalliqlar :
300 gramm tovuq go'shti filesi
250 gramm pomidor
100 gram marinadlangan mayda hajmdagi bodring
100 gramm selderey
100 gramm salat bargi (ushbu retseptda aralashma)
20 gramm xantal pastasi (gorchitsa)
Sous uchun :
200 gramm ta'biiy yogurt (qo'shimchalarsiz)
2-3 dona sarimsoq donachasi
Ta'bga ko'ra ko'katlar
Tuz va murch
Tayyorlash usullari :
1. Tovuq go'shti filesini xantal pastasi bilan surtib chiqing va folga qog'oziga o'rang.
2. Folga qog'oziga o'ralgan go'shtlarni pishirish qolipiga tering va 180 darajada qizdirilgan gaz pechida 30-35 daqiqa davomida pishiring. So'ng, sovuting.
3. Sovutilgan tovuq go'shtini mayda bo'laklarga to'rg'ang.
4. Pomidorlarni o'rtacha katta hajmda kesing.
5. Marinadlangan bodringlarni mayda shaklda to'rg'ang.
6. Seldereyni mayda to'rg'ang.
7. Sous tayyorlang. Buning uchun : ko'katni maydalang.
8. Yogurtga maydalangan sarimsoq, ko'kat, tuz va murchni birlashtirib, aralashtiring.
9. Salat idishida tovuq filesi, pomidor, bodring, selderey, salat barglarini birlashtiring. Ta'bga ko'ra tuz seping.
10. Aralashtirilgan salatni laganga soling va salat markaziga tayyorlangan sousni quying. Mazali salatni darhol dasturxonga torting.
Yoqimli ishtaxa !
