Bu o'sha mashhur salatlardan biri. Mazali va vitaminlarga boy, yengil salat dasturxon davrasida barcha uchun manzur bo'lishi turgan gap. Tayyorlanishi oddiy, tayyorlangan masalliqlar bir-biri bilan kirishib, lazzatbaxsh ta'mni yuzaga keltiradi. Barcha uchun manzur bo'ladigan ushbu salatni albatta tayyorlang !
Kerakli masalliqlar :
500 gramm pomidor
350 gramm bulg'or qalampiri
400 gramm bodring
150 gramm piyoz (qizil)
200 gramm brinza yoki feta pishlog'i
150 gramm zaytun donachalari (danaksiz)
Sous uchun :
5 osh qoshiq zaytun yoki o'simlik yog'i
2 osh qoshiq limon sharbati
Tuz va murch
Tayyorlash usullari :
1. Birinchi navbatda pomidorni o'rtacha kattalikdagi shakllarda to'rg'ang.
2. Bodringni ikki qismga bo'ling va yupqa, parrak shaklida kesing.
3. Bulg'or qalampirini tozalang va somoncha shaklida to'rg'ang.
4. Piyozni tozalang va yarim halqa shaklida to'rg'ang.
5. Feta pishlog'i yoki brinzani katta bo'lmagan to'rtburchak shaklda kesib chiqing.
6. Sous uchun : limon sharbati va zaytun yog'ini birlashtiring va tuz, murch qo'shing. Aralashtiring.
7. Salat idishiga pomidor, bodring, bulg'or qalampiri va piyozni birlashtiring. Tayyorlangan sousdan qo'shib, aralashtiring.
8. Salat ustini zaytun donachalari va pishloq bo'laklari bilan bezating. Hohishingizga ko'ra ko'kat turlaridan foydalanishingiz mumkin. Mazali va vitaminlarga boy salat tayyor !
Yoqimli ishtaxa !