Juda ham mazali. Yengil shu bilan birga to'yimli va vitaminlarga boy ushbu salat dasturxon davrasidan barcha uchun ma'qul bo'ladi. Foydalanilgan masalliqlar bir-biri bilan kirishib, ajoyib va lazzatbaxsh ta'mni taqdim etadi.
Kerakli masalliqlar :
200 gramm oq baton noni
250 gramm tovuq filesi
150 gramm pishloq
300 gramm bodring
150 gramm piyoz
1 bog' salat bargi
Sous uchun :
4 osh qoshiq o'simlik yog'i3
3 dona sarimsoq donachasi
1 osh qoshiq 6 % sirka
Ta'bga ko'ra tuz va murch
Tayyorlash usullari :
1. Tovuq go'shti filesini qaynashni boshlagandan so'ng 20 daqiqa davomida qaynatib, pishiring. Sovuting. So'ng, qo'lingiz bilan titib chiqing.
2. Baton nonini mayda to'rtburchak shaklda to'rg'ang va qizdirilgan o'simlik yog'ida qizartirib qovuring.
3. Bodringni somoncha shaklda to'rg'ang.
4. Piyozni yupqa, yarim halqa shaklida to'rg'ang va qaynoq suvda 10 daqiqa davomida uyuting. So'ng, sovuq suvda yuving.
5. Pishloqni qirg'ichning kichik tomonidan chiqaring.
6. Sousni tayyorlang. Buning uchun : o'simlik yog'i, sirka, tuz, murch va maydalangan sarimsoqni birlashtiring, aralashtiring.
7. Salat barglarini qo'lingiz bilan katta bo'lmagan bo'laklarga bo'ling. So'ng, bodring, piyoz, tovuq go'shti, pishloq va baton nonini birlashtiring.
8. Tayyorlangan sousni qo'shing va extiyotkorlik bilan aralashtiring. Birzumda vitaminlarga boy salat tayyor ! Darhol dasturxonga torting.
Yoqimli ishtaxa !