Nomlanishi noan'anaviy, ko'rinishi o'ziga xos chiroyga ega ushbu salat juda ham mazali, ishtaxa ochar va vitaminlarga boyligi bilan boshqa salatlardan ajralib turadi. Tayyorlanishi oddiy. Salatning mazasi dasturxon davrasida barchaga manzur bo'lib, lazzatlanish baxtini taqdim etadi.
Kerakli masalliqlar :
500 gramm tovuq filesi
5 dona tuxum
500 gramm kartoshka
100 gramm piyoz
250 gramm bodring
3-4 dona bedana tuxumi bezatish uchun
Ta'bga ko'ra tuz va ko'katlar
Mayonez
O'simlik yog'i
Tayyorlash usullari :
1. Tovuq filesini ziravorlar solib, qaynating. Qaynashni boshlagandan so'ng, 20 daqiqa davomida past olovda qaynating. Tayyor tovuq go'shtini sovuting va mayda shaklda to'rg'ang.
2. Piyozni tozalang va mayda to'rtburchak shaklda to'rg'ang.
3. Mayda to'rg'algan piyozni qaynoq suvda 10 daqiqa uyuting va sovuq suv bilan yuving.
4. Kartoshkani po'stidan tozalang. Koreys sabzi salati tayyorlanadigan qirg'ichdan o'tkazing yoki yupqa, somoncha shaklda to'rg'ang.
5. Tayyorlangan kartoshkani oz-oz qismlarda ko'p miqdorda qizdirilgan yog'da qovuring.
6. Bodringni yupqa, somoncha shaklda to'rg'ang.
7. Qaynatilgan tuxumni oqdan sariqlarini ajrating. Qirg'ichning mayda tomonidan chiqaring.
8. Ko'katni mayda qilib to'rg'ang.
9. Kartoshkani bir qismini bezatish uchun olib qo'ying. Kartoshka, tovuq go'shti, bodring, tuxum oqi, piyozni birlashtiring. Ta'bga ko'ra tuz soling.
10. Masalliqlar aralashmasiga mayonez aralashtiring.
11. Salatni tayyorlangan idishga soling va maydalangan ko'katni seping. Salat ustiga qoldirilgan kartoshka qismini halqa shaklida solib chiqing. Quyidagi rasm kabi.
12. So'nggi navbatda pishirilgan bedana tuxumlarini salat ustiga ya'ni halqa o'rtasiga terib chiqing. Bedana tuxumi bo'lmagan holda tuxum sariqlarini mayonez bilan qoplang. Tayyor salatni dasturxonga torting.
Yoqimli ishtaxa !
