Barcha uchun sevimli bo'lgan Napoleon torti o'zining nozikligi va mazaliligi bilan boshqa shirinliklardan ajralib turadi. Bugun biz sizlarga huddi shunday nozik va mazali Napoleon salati retseptini taqdim etamiz. Tayyorlanishi juda ham oddiy bo'lgan ushbu salat yaqinlaringiz e'tiboridan hech ham chetda qolmaydi.
Kerakli masalliqlar :
500 gramm mol go'shti (laqm)
3 dona kartoshka
4 dona tuxum
150 gramm qattiq pishloq
Mayonez, tuz va murch
Tayyorlash usullari :
1. Mol g'o'shtini bulyon qilib pishiring va sovuting. So'ng, yupqa, somoncha shaklida to'rg'ang.
2. Tuxumni yaxshilab suvda pishiring va sovuting. Tuxumlarni qirg'ichning katta tomonidan o'tkazing.
3. Qaynatilgan kartoshkani qirg'ichning katta tomonidan o'tkazing.
4. Salat tayyorlanadigan laganga maxsus qolipni qo'ying. Salatning birinchi qatoriga mol go'shtini soling.
5. Go'sht ustiga tuz seping va mayonez surting. Salatning ikkinchi qatoriga tuxumni soling va mayonez surting.
6. Kartoshkani soling, tuz va ta'bga ko'ra murch seping. Mayonez surting.
7. Kartoshka ustidan go'shtning qolgan qismini soling. Go'sht ustidan qirg'ichdan o'tkazilgan pishloqni seping. Tayyor salatni 30 daqiqaga muzlatgichga qo'ying.
8. Belgilangan vaqt o'tishi bilan salat ustini ko'kat shoxchasi bilan bezating. Darhol dasturxonga torting.
Yoqimli ishtaxa !
