Милли мәдәниятләр үзәгендә Русия Федерациясе Конституциясе көненә багышлап, Октябрьский оешма-учреждениеләре вәкилләрен бүләкләү тантанасы оештырылды.
Шәһәр хакимияте башлыгы Алексей Шмелев чарада катнашучыларны бәйрәм белән тәбрикләп, үз вазыйфаларын намуслы башкарулары өчен рәхмәт белдерде.
"Октябрьскийда социаль планнар үтәлә, предприятиеләр уңышлы эшләп килә, заказлар ала. Дәүләт бәйрәме – РФ Конституциясе көне уңаеннан үткәрелүче бүгенге тантаналы чарада без предприятие-учреждениеләрдә озак еллар эшләгән һәм шәһәребез үсешенә зур өлеш керткән хезмәт ияләрен хөрмәтлибез", – дип билгеләде Алексей Николаевич.
Мәртәбәле бүләкләргә кемнәр ия булды соң? Әйдәгез, алар белән дә танышып үтик.
БР агросәнәгать комплексы системасында күпьеллык намуслы хезмәте өчен һәм һөнәри бәйрәм – авыл хуҗалыгы һәм эшкәртү сәнәгате хезмәткәрләре көне уңаеннан Октябрьский икмәк заводының 3нче разрядлы тест бүлү машиналары машинисты Веригина Оксана, сату буенча мастер Салихова Рәвилә, 4нче разрядлы тестовод Сайфуллина Гөлфирә, 4нче разрядлы пешекче Хәлимулина Диләрә БР авыл хужалыгы министрлыгының Мактау грамотасы белән бүләкләнде.
Хезмәт бурычларын нәтиҗәле һәм югары дәрәҗәдә башкарганнары, яхшы күрсәткечләргә ирешкәннәре өчен "Ойл-Сервис" җәмгыятенең скважиналарны капиталь ремонтлау буенча 5нче разрядлы бораулаучы ярдәмчесе Мирун Андрейга; Милли мәдәниятләр үзәге директоры Сәхабетдинова Гөлназга; картлар һәм инвалидлар интернат-йорты сиделкасы Шишкина Еленага Октябрьский шәһәр хакимиятенең рәхмәт хатлары тапшырылды.
Бер төркем шәһәрдәшләр күпьеллык намуслы хезмәтләре өчен хакимиятнең Мактау грамотасына лаек булды.
Бүләкләнүчеләрне котлыйбыз, яңа хезмәт уңышлары телибез!