4-тӥ толсуре Сизнер гуртын Анайлэн нуналэзлы сӥзем концерт ортчиз.
Отчы пыриськизы Ципья шоръёзо школаын дышетскись покчи но бадӟым классъёсын дышетскись нылъёс но пиос. Нылпиос пӧртэм эктонъёсты но кырӟанъёсты быдэстӥзы.
Нимысьтыз ик пусъем потэ 4-тӥ классын дышетскись Артём Тарасовез. Паймытӥз ик со люкаськем калыкез гитараен шудыса кырӟаменыз: утёд ке, Артём ас мылкыд каремезъя интернет пыр шудыны дышетскем вылэм!
Малпасько, концерт возьматӥсьёсмы котькинлэн сюлмаз шуныт мылкыд пыӵатӥзы шуыса. Визь дыр но кезьыт куазь шоры учкытэк залын калык но трос вал.
Ольга Матвеева ; фото: автор