Октябрьскийга «Спорт — тормыш рәвеше» федераль программасының «Демография» илкүләм проекты кысаларында микроавтобус кайтарылды.
17 урынлык «Форд-транзит» автомобиле шәһәрнең спорт берләшмәсенә ярышларга йөрү өчен тапшырылды.
Исегезгә төшерәбез, грек-рим көрәше буенча Русия кубогын ачу тантанасында Башкортстан Башлыгы Радий Фәрит улы Хәбиров танылган тренерларга һәм спортчыларга, шулай ук республиканың спорт мәктәпләренә бүләкләр тапшырды.
Октябрьский спорт мәктәпләренә Радий Хәбиров теләктәшлегендә «Форд-транзит» микроавтобусы кайтарылды. Ә 1нче спорт мәктәбе директоры И. Кариповка көрәш өчен спорт келәме алуга сертификат тапшырылды.
Бу бүләкләр шәһәребез спортчыларына яңа җиңүләргә ирешергә ярдәм итәр дип ышанабыз!