Аланда яшәүче сугыш ветераны Габделгани Нәҗиповка -95, Норма авылыннан тыл ветераны Фәрит Кәлимуллинга 90 яшь тулды.
Район җитәкчелеге Россия Федерациясе Президенты Владимир Путинның котлау открыткасын, Балтач муниципаль район башлыгы исеменнән Рәхмәт хаты һәм кыйммәтле бүләк, соңгы эш урыннары һәм авыл җирлекләре исеменнән бүләк-күчтәнәчләр тапшырдылар. Тантаналы чарада Балтач муниципаль район башлыгы Рамил Нотфуллин, социаль яклау бүлеге җитәкчесе Алсу Гатиятуллина, Балтач районы хәрби комиссары Васил Вәлиев, ветераннар советы рәисе Рифат Абдуллин, һәр җирлекнең авыл башлыклары, оешма җитәкчеләре катнаштылар.
