Республикада, шул исәптән районыбызда да соңгы вакытта милли мәсьәләләр, бигрәк тә ана телендә укыту һәм яшь буынга милли гореф-гадәтләребез нигезендә тәрбия бирү эшенә аеруча игътибар артты.
Балтач районы башкарма комитеты җитәкчесе Айдар Фоат улы Хәйретдинов һәм район башкарма комитеты җитәкчесе урынбасары Илһам Фидәел улы Гайнетдинов районыбыз балалар бакчаларында туган телдә тәрбия-белем бирү торышы белән танышты. Алар тәрбияне гаиләдә, балалар бакчасында ук башларга, иман-әхлакны нәкъ менә ана теле аша сеңдерергә кирәклеген, район мәктәпләрендә, балалар бакчаларында татар телен укытуга, балаларда сөйләм телен үстерүгә, гореф-гадәтләрне өйрәнүгә педагоглар тарафыннан да, әти-әниләр тарафыннан да аерым игътибар булырга тиешлеген ассызыклады.
Фото: автор