ЛДПР депутаты Борис Чернышев укучыларның сәләтен блокчейн ярдәмендә ачыклау юнәлешен тәкъдим итте.
Бу очракта укучыларны индивидуаль белем бирү системасында бәяләячәкләр. Бу фикерне депутат Мәгариф министрына юллаган хатында бәян итә.
“Бу документлар практик күнекмәләрне түгел, ә нәкъ менә теорияне тикшерүгә юнәлтелгән. Шуңа күрә баланың белем дәрәҗәсен тулысынча тикшерү мөмкин түгел диярлек. Белем дәрәҗәсен бәяләү өчен БДИга альтернатив ысул тәкъдим ителә” – дип язылган әлеге хатта.
Чернышев БДИны алыштыруның оптималь варианты дип укучыларның сәләтен яшьтән ачыклау системасын атады. Әлеге система өч компонентка, ягъни профориентация нәтиҗәләренә, укучы билгеләренә һәм социаль яктан активлыкка нигезләнергә тиеш.
Ул электрон мәктәп программасына мәгълүматлары кертелгән һәрбер баланың индивидуль белем дәрәҗәсен математик төгәллек белән бәяли ала.
Башка яңалыклар белән безнең сайтта таныша аласыз.