Бәйсез этләр, төлкеләрнең зыян салуы турында даими язып торабыз. Инде район башлыгы авыл җирлеге башлыкларына әлеге вәзгыятьне үзгәртү чараларын күрергә дип күрсәтмә дә бирде. Әмма... кайбер җирлекләрдә хәлләр үзгәрешсез кала бирә.
Иртәнге сәгатьләрә үк Сосна авылыннан бер апа шалтырата (исеме редакция өчен генә). «Нишләргә белмәгәннән шалтыратам, сеңлем, ачуланмагыз, нервыларыма ябышты”, ди апа. Ә нервыланыр өчен сәбәпләре шактый саллы булып чыкты. Баксаң, бәйсез этләр 10 баш куянын буып чыгып киткәннәр, берничә көн элек су буенда йөргән берничә баш казын ботарлаганнар.
– Беренче тапкыр зыян күргәч үк җирлек башлыгына хәбәр иттем, – ди апа. – Әлеге этләр кешедән дә курыкмый, рәхәтләнеп йөриләр, күпме кешегә зыян китерде бит алар. Асраган малларыбыз жәл. Тырышмасан берсе дә үсми бит...