Шаън давралар
Гулжамол АСҚАРОВА Шаън давралар Бир жойда депсиниб турганим етар!!! Мен шаън давраларга кетмоғим керак.!!! Кенгликлар бағрига бағрини босиб, Олис манзилларни соғинди юрак. Хандон кулгуларим, ўзимга келинг, Яшамоқ завқига тўлди борлиғим. Нақадар шарафли, қанчалар яхши, Бу ёруғ дунёда менинг борлигим. Шукр, оғриқлиман ишқ дарди бирлан, Руҳимнинг осмондан ҳомиласи бор. Не учун чарақлаб ёнмасин кўзим, Юзимдан бўсалар олганда баҳор. Йўлимни тўсмангиз, қочинг буҳтонлар, Мен битим тузганман қайғулар билан...