Кадыкшылдың аадаңы

Ногаа аймааның ажыктыг талалары 📣Ногаа аймааның калорийи эвээш, хөй-хөй витаминнер, микроэлементилер, ажыктыг бүдүмелдер-биле байлак. Бүгү-делегейниң кадык камгалал албан чериниң сүмелеп турары-биле алырга, хүнде 400 граммдан эвээш эвес ногаа болгаш чимис аймаан чип турарга эки. Аңаа картофель дээн ышкаш крахмалдыг ногаалар хамаарышпас. Үргүлчү хөй ногаа, чимис аймаан чеминде ажыглап турар кижилерниң аъш-чем хайылдырар органнарынга рак аарыы белен тывылбас. Хүннүң-не ногаа аймаан чип турарга, атеросклероз, чүректиң ишемиктиг аарыы дээш оон-даа өске чүрек-дамыр аарыглары, ийи­ги чаданың чигир аарыы, семириири дээн ышкаш хоочу аарыг­лар тыптыр чылда­гааннар эвээжээр. Ногаа аймаа аъш-чем ха­йылдырарын экижидер, тырыктаарын болдурбас, организмде бүдүмелдер солчулгазын экижидип, аар металлдарны организмден үндүрер. #кадыкшыл

🧐 Эртемденнер клюкваны узун назылаарынга дузалыг кат деп адаан. 🍒 Кардиолог Герман Гандельманның демдеглээни мындыг: 100 г клюквада — клеткаларны кырыырындан камгалап, дамырларны быжыглаар антоцианнарның 8 хүннүң хемчээли бар. Ол С витамин-биле байлак, иммунитетти быжыглаар болгаш каракка база эки. 💡 Чаа болгаш доңурган-даа клюкваны неделяда каш катап чигир чокка чиңер. Ол дээрге кадыкшылга көскү ажык-дузалыг бөдүүн чаңчыл-дыр. #кадыкшыл #узунназын

☝️Тарымал тоорук – марганец биле магнийниң кончуг эки үндезини, ол хан базыышкынын болгаш ханда чигирниң деңнелин чогумчударынга, баш аарыырын болдурбазынга, ол ышкаш чүрек аарыының болгаш инсульттуң айыылын эвээжедиринге дузалаар. ❗️Чүгле эки кургаткан болгаш чүнүң-биле-даа болбаазыратпаан, шын шыгжаттынган үрезиннер кадыкшылга эң-не ажык-дузалыг болур. ❗️❗️❗️❗️ Ынчалза-даа оларны шын өйлээри чугула, олар дыка калориялыг (100 граммда 580-ден 700 чедир калория)! #кадыкшыл

Хой эъди–узун назынның болгаш күш-шыдалдың эъди Хой эъди шаандан тура күш-шыдалдың болгаш узун назынның эъди кылдыр алдаржаан: иммунитетти быжыглаар, эр кижиниң күш-шыдалын көдүрер, соокка алысканда ажыктыг. Ында үс болгаш холестерин эвээш, ынчалза-даа аминокислоталар, витаминнер, харын-даа диштер быжыглаар фтор безин хөй. Үс-чаг хаван эъдинден 2 катап, холестерин инек эъдинден 2 катап эвээш. #кадыкшыл #узунназын

Чааскаан селгүүстээри чүге чугула чүвел: Чөөн чүктүң болгаш нейрофизиологияның көрүжү 🌳 🧘 Чөөн чүктүң практикаларында чааскаанзыралды болганчок-ла хоозун чүүл кылдыр эвес, а бодунче эглип кээр делгем көрүш кылдыр хүлээп алыр. Чааскаан агаарлаашкыннар онза ажыктыг–кедээр байдал чок, ыыт-дааштыг, хөглүг компания болгаш гаджеттер чок. 🔹 Мээде чүү болуп турарыл? Кажан бис чааскаан агаарлап турувуста, угаанның идепкей чок улчуур чурумун (default mode network) идепкейжидер. Ол дээрге мээ кандыг бир тодаргай сорулга-биле ажылдан хостуг, а сагыш-сеткилди, бодалдарны болбаазырадып, планнарны тургузуп турар байдал-дыр. Шак ынчаар чаартыкчы креативтиг идеяларны хевирлеп, психиктиг турум чорукту быжыглаар. 🔸 Чөөн чүк өөредиглери чүнү чугаалап турарыл? Буддийжи ламалар болгаш даос мерген угаанныглар даян кылырының практиказын удаа-дараа чорудуп турганнар. Чааскаан чорааш, чүгле бойдусту эвес, а бодувустуң амыдыралывыс алыс ужур-утказын база дыңнап турар бис деп олар санап турганнар. Ынчаар-ла иштики аяннажылга катап тургустунуп, бодалдан бодалче халдып орар «сарбашкын-угаан» оожургай бээр. #мозг