Триолеттер

Алдар-аттыг кижилерге, төрээн дылга, Төрээн чуртка

подборка · 8 материалов

5 месяцев назад

*** Тывалажыр чаштар көргеш, магадаан мен, Дыңнап ханмас чугаа-соотту тыпкан дег мен. Кудумчуга бичии оолдар аразынга Тывалажыр чаштар көргеш, магадаан мен. Кудай-дээрниң аяс-чырыы дам-на барган, Кударал-даа, дүвүрел-даа эстип читкен. Тывалажыр чаштар көргеш, магадаан мен, Дыңнап ханмас чугаа-соотту тыпкан дег мен. 11. 07. 25 #триолеттер #енданбс

Тывам

7 месяцев назад

*** Ишкин оглу уярадыр бадырып чор, Ишти-хөңнүм хоюңнадыр суйбаанзыг-дыр. Игил ойнаан аныяк эр дугайында Ишкин оглу уярадыр бадырып чор. Часкы бойдус. Харлыг, чаъстыг кударгай дүн. Саян ажыр чорук кылгаш, чанып ор мен. Ишкин оглу уярадыр бадырып чор, Ишти-хөңнүм хоюңнадыр суйбапнзыг-дыр. 06.05.25 #триолеттер

Тывам

11 месяцев назад

*** Дайын-чаада октан күштүг чепсээм-дир сен, Тайбың өйде туктан бедик сүлдем-дир сен, Тааланчыг, дыңнаксанчыг тыва дылым, Дайын-чаада октан күштүг чепсээм-дир сен. Баштайгы чаш ынакшылдың даңгыраа сен, Маадыр эрниң сөөлгү сөзү, човууру сен, Дайын-чаада октан күштүг чепсээм-дир сен, Тайбың өйде туктан бедик сүлдем-дир сен. Ендан Буян. 13.01.25 #триолеттер

Тывам

1 год назад

Триолеттер

*** Өйлеп-өйлеп, изиг-ханны чиксээрим дег, Өкпе-хөрээм кужурзурап, кагып-суксаар. Өлчей-кежиин дилеп, сурап, күзеп, хандып, Өйлеп-өйлеп изиг-ханны чиксээрим дег, Сергей Пюрбю, Сарыг-оолду, Үержааны Сеткил ханып номчуурумга, хөңнүм арыыр. Өйлеп-өйлеп изиг-ханны чиксээрим дег, Өкпе-чүрээм кужурзурап, кагып-суксаар. 12.01.24 *** «Чеди сылдыс бурганнар бооп демнежипсе, Чедиишкинниг болурувус ылаптыг-ла!» Черни, дээрни аяар шуглаан сылдыстыг дүн. Чеди сылдыс бурганнар бооп демнежипсе… Машинаның ылгын...

Тывам

1 год назад

*** Дылын билбес тыва кижи тыва боор бе? Ында-даа эвес, мында-даа эвес…Чогум кымыл? Ыяш болза чочагай чок, дазыл-даа чок… Дылын билбес тыва кижи тыва боор бе? Ыдык чаагай байлак чараш эртинези, Дыңгылдайың, хөөмейниң авыралы Дылын билбес тыва кижи тыва боор бе? Ында-даа эвес, мында-даа эвес… Чогум кымыл? 08.12.24 #триолеттер

Тывам

1 год назад

#триолеттер