Авторнуң колонказы

Европа чемпиону Максим Монгушка   Хая-даштыг кашпалдарда Каалама орук чок бол, Болгария сеңээ черле Моондак болуп шыдавады. Калбак Сибирь ээлей чурттаан Хамык чоннуң аразындан Кара чааскаан командаже Хажыш дивейн шургуп кирдиң. Онагларың дөгерезин Он-он санга ажып чоруй Түңнелинде Европаны Түрлүг-сүрлүг чаалап алдың. Делегейге алыс барып, Девип, шүглүп үнүп келем. Олимпийжи идегелиң Оду улам өөскүзүн!  #енданбс 17. 05. 26

*** Шокар чылан хоранныг дээр, Шоглаваза, уунда чоруур. Аас-дылдың хораны дег Айыыл турбас чорбадыве.  12. 04. 26 #енданбс #рубаилер

*** Кылып чоруур буян-кежииң хензиг бол, Кырыгыже эки сеткип чурттаза, Кызың, оглуң – салгалыңга артып каар Кызыгаар чок, хемчээп четпес өнчүң ол. 12. 04. 26 #енданбс #рубаилер