Эту статью я написала для того, чтобы люди, столкнувшиеся с болезнями и переживающие мучительные боли, не отчаивались и не опускали руки. Пусть вас не покидает вера и молитва, ведь молитвы к Господу, Богородице и Святым творят чудеса
Несколько лет назад я перенесла три серьёзные операции на позвоночнике, три года я не ходила вообще и жизнь лежачего больного испытала на себе. Прогнозы врачей были неутешительные, и все понимали, что на ноги я встану ещё не скоро (да и встану ли вообще). Отчаяние, слёзы, истерики, постоянно мучившие вопросы «почему я, за что это мне?» - всё это было, и все эти душевные мучения сопровождались дикими болями в спине, в ноге (вторую ногу я не чувствовала) и судорогами. Какая-то ясность в голове начала появляться после Таинств Покаяния (исповеди), Евхаристии (Причастия) и Елеосвящения (соборования). Слава Богу, что батюшка находил время для того, чтобы приезжать ко мне в больницу - ведь я не ходила и прийти самостоятельно в храм не могла. Иногда слёзы, уныние и отчаяние снова возвращались, но теперь то я знала, что нужно делать. Одно я поняла точно - до тех пор, пока я буду роптать и мучить себя вопросами «почему я», «за что» и «как такое могло произойти» - делу это не поможет!
Что я могла сделать? Конечно же молиться. Помимо утренних и вечерних молитвенных правил, по совету отца Константина, я начала читать молитвы святым и просить их о помощи. Почти через три года я встала и сделала первые шаги, сначала ходила при помощи опоры (ходунков), но уже давно хожу самостоятельно. Эти молитвы святым я читаю и сегодня, когда одолевают боли в прооперированной спине, суставах и ногах - главное просить помощи и исцеления с благодарностью и искренне. Ниже я опубликую эти молитвы, и пусть они будут услышаны и помогут тем, кто нуждается в исцелении.
Молитвы при заболеваниях позвоночника, болях в ногах, спине и суставах
Праведному Симеону Верхотурскому
Святой Симеон совершил пеший путь из России в Сибирь, несмотря на изнеможение, боль в ногах и спине
Молитва
О, святый и праведный Симеоне, чистою душею твоею в небесных обителех в лице святых водворяяйся, на земли же с нами неотступно пребывая! По данней ти благодати от Господа молитися о нас, милостивно призри на нас многогрешных, аще и недостойне, обаче с верою и упованием к тебе притекающих, и испроси нам от Бога прощение согрешений наших, в няже впадаем множицею во вся дни жития нашего. И якоже прежде овым убо от очныя зельныя болезни ни мало зрети могущим исцеление очес, овым же близ смерти бывшим от лютых недугов врачевание, и иным иная многая преславная благодеяния даровал еси: сице избави и нас от недугов душевных и телесных и от всякия скорби и печали, и вся благая к настоящему житию нашему и к вечному спасению благопотребная нам от Господа испроси, да тако твоим предстательством и молитвами стяжавше вся нам полезная, аще и недостойнии, благодарне восхваляюще тя, прославим Бога, дивнаго во святых Своих, Отца, и Сына, и Святаго Духа, ныне и присно и во веки веков. Аминь.
Мученикам Антонию, Евстафию и Иоанну Виленским (Литовским)
Эти мученики за принятие Святого Крещения были подвержены мукам и пыткам, а затем повешены на дубе. По их молитве получают исцеление от болей в ногах и спине
Молитва
Святии мученицы Антоние, Иоанне и Евстафие! Призрите с Небеснаго чертога на требующих вашея помощи и не отвергните прошений наших, но, яко приснии благодетели и ходатаи наши, молите Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго вашего заступления. Да молитвами вашими даст нам Господь мир помыслов, от пагубных страстей воздержание и от всякия скверны удаление; и да укрепит во всем мире Свою Едину Святую Соборную и Апостольскую Церковь, юже стяжал есть честною Своею Кровию. Молитеся прилежно, святии мученицы, да благословит Христос Бог всю нашу державу, да утвердит во Святей Своей Православней Церкви живый дух правыя веры и благочестия; да вся чада ея, от суемудрия и суеверия свободившеся, духом и истиною покланяются Ему, и о соблюдении Его заповедей усердно потщатся; да мы вси в мире и благочестии поживем в настоящем веце, и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава, со Отцем и Святым Духом, ныне и присно и во веки веков. Аминь.
Мученикам благоверным князьям Борису и Глебу, во Святом Крещении Роману и Давиду
Российские благоверные князья Борис и Глеб - первые русские мученики-страстотерпцы, почитаемые Православной Церковью за постоянное оказание молитвенной помощи своей родной земле и исцеление разных тяжёлых недугов, в том числе болезней ног и спине.
Молитва
О, двоице священная, братия прекрасная, доблии страстотерпцы Борисе и Глебе, от юности Христу верою, чистотою и любовию послуживший, и кровьми своими, яко багряницею, украсившиися, и ныне со Христом царствующий! Не забудите и нас, сущих на земли, но яко теплии заступницы, вашим сильным ходатайством пред Христом Богом сохраните юных во святей вере и чистоте неврежденными от всякаго прилога неверия и нечистоты, оградите всех нас от всякия скорби, озлоблений и напрасныя смерти, укротите всякую вражду и злобу, действом диавола воздвизаемую от ближних и чуждих. Молим вас, христолюбивии страстотерпцы, испросите у Великодаровитаго Владыки всем нам оставление прегрешений наших, единомыслие и здравие, избавление от нашествия иноплеменных, междоусобныя брани, язвы и глада. Снабдевайте своим заступлением (град сей и) всех, чтущих святую память вашу, во веки веков. Аминь.
Преподобному Серафиму Саровскому
После подвига столпничества святой преподобный Серафим Саровский, по откровению Богородицы, стал принимать у себя людей, утешая и исцеляя их от всех болезней, в том числе от заболеваний суставов, позвоночника, болей в спине и ногах
Молитва первая
О пречудный отче Серафиме, великий Саровский чудотворче, всем прибегающим к тебе скоропослушный помощниче! Во дни земнаго жития твоего никтоже от тебе тощ и неутешен отыде, но всем в сладость бысть видение лика твоего и благоуветливый глас словес твоих. К сим же и дар исцелений, дар прозрения, дар немощных душ врачевания обилен в тебе явися. Егда же призва тя Бог от земных трудов к небесному упокоению, николиже любовь твоя преста от нас, и невозможно есть исчислити чудеса твоя, уможившаяся, яко звезды небесныя: се бо по всем концем земли нашея людем Божиим являешися и даруеши им исцеления. Темже и мы вопием ти: о претихий и кроткий угодниче Божий, дерзновенный к Нему молитвенниче, николиже призывающия тя отреваяй, вознеси о нас благомощную твою молитву ко Господу Сил, да укрепит державу нашу, да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию научит нас, во еже безпреткновенно внити нам в вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу до скончания века. Аминь.
Молитва вторая
О великий угодниче Божий, преподобне и богоносне отче наш Серафиме! Призри от Горния славы на нас, смиренных и немощных, обремененных грехами многими, твоея помощи и утешения просящих. Приникни к нам благосердием твоим и помози нам заповеди Господни непорочно сохраняти, веру православную крепко содержати, покаяние во гресех наших усердно Богу приносити, во благочестии христианстем благодатно преуспевати и достойны быти твоего о нас молитвеннаго к Богу предстательства. Ей, святче Божий, услыши нас молящихся тебе с верою и любовию и не презри нас, требующих твоего заступления: ныне и в час кончины нашея помози нам и заступи нас молитвами твоими от злобных наветов диавольских, да не обладает нами тех сила, но да сподобимся помощию твоею наследовати блаженство обители райския. На тя бо упование наше ныне возлагаем, отче благосердый: буди нам воистину ко спасению путевождь и приведи нас к невечернему свету Жизни Вечныя богоприятным предстательством твоим у Престола Пресвятыя Троицы, да славим и поем со всеми святыми достопокланяемое имя Отца и Сына и Святаго Духа во веки веков. Аминь.
Преподобному Иакову Железноборовскому
Даже в глубокий старости святой дважды ходил пешком в Москву, превозмогая боль в своих ногах. Ему молятся об исцелении различных недугов, в том числе и при болезнях в спине, ногах и параличе.
Молитва первая
Преподобне и богоносне отче наш Иакове! Приими ныне нас, тебе усердно молящихся и припадающих ко всечестному и многоцелебному твоему гробу, идеже святое твое и многотрудное покоится тело. Духом же на небесех предстоя Святей Троицы со ангелы и преподобных отцев лики, молися о нас, чадех твоих, отче, да избавимся от всяких скорбей, болезней, бед и обстояний, и благочестно поживем в настоящем житии, ходяще в заповедех и оправданиих Господних безпорочно, и да явимся последователи святому и равноангельскому житию твоему. Ей, преподобне отче, молим тя, испроси нам же и всем, с верою к тебе притекающим, грехов прощение, телесем здравие, исправление жития и вечное спасение, яко да твоим предстательством спасение, славу воз-сылати сподобимся в Троице славимому Богу, Отцу, и Сыну, и Святому Духу, ныне и присно, и во веки веков. Аминь.
Молитва вторая
О преподобне и богомудре отче наш Иакове! Вемы, яко с лики ангельскими и всеми святыми предстоиши присно престолу Господа Вседержителя и велие имаши к Нему дерзновение молитися о всех, с верою и умиленными слезами в помощь тя призывающих. Не премолчи убо, вопия за ны недостойныя ко Господу Богу, да отвратит гнев Свой, праведно за беззакония наша на ны движимый, и да избавимся всяких скорбей, бед же и напастей, и злых обстояний, и благочестно поживем в нынешнем веце, ходяще в заповедех и оправданиих Господних непорочно. О преблаженне и боголюбезне отче наш Иакове! Умоли Господа, да не оскудеют в обители твоей истиннии ревнители иноческаго жития и подражатели святому и богоугодному житию твоему: сохрани предстательством твоим к Богу обитель и страну сию от огня, глада, меча, нашествия иноплеменных и от всякаго зла, и всем с верою и любовию притекающим в твою обитель испроси у Господа Бога грехов про-щение, телесем здравие, исправление греховнаго жития и вечное спасение: да с тобою и всеми святыми сподобимся прославляти в Троице славимаго Бога, Отца, и Сына, и Святаго Духа, во веки веков. Аминь.
Чудотворцам Косме и Домиану
Эти святые изучали врачебное дело и ещё при своей жизни исцеляли хромых, изувеченных людей
Молитва
О чудотворцы славнии, врачеве безмезднии, Космо и Дамиане! Вы от юности Христа Бога возлюбивше и Того повеления всем сердцем соблюдающе, аще и вдасте себе учению врачебному, но добродетельнаго ради жития и чистоты душевныя, силою Христа Бога, не врачевания токмо искусство, но паче неоскудную благодать исцеления всяких неисцельных недугов от Бога прияли есте. Отонюдуже любовию и милосердием к недугующим подвизаеми, не токмо людем, но и скотом исцеления болезней подаваете, неисчетным множеством чудес ваших весь мир наполняете, и не телесныя токмо недуги исцеляете, но и верою Христовою души просвещаете, в терпении болезней укрепляете, в тяжких недузех о исправлении жития вразумляете и ко Христу покаянием привлекаете. Темже ныне и нас, припадающих к вам пред честною иконою вашею, скоро услышите. Юныя дети, вашей помощи во учении книжнем просящия, вашими молитвами наставите, да вашему житию ревнующе, не земное точию научение приобрящут, но паче во благочестии и правой вере непрестанно да преспевают. На одре болезни лежащим, человеческия помощи отчаянным, к вам же тепле с верою и усердною молитвою прибегающим, исцеление болезней вашим милостивым, чудодейственным посещением даруйте. Многажды в болезни впадающия и от лютых недуг в уныние, малодушие и роптание пришедшия, данною вам от Бога благодатию в терпении утвердите, и наставите, да уразумеют волю о них Божию святую и совершенную, и сами себе и живот свой воле Христа Бога предают. В недузех сущих, о исправлении же жития нерадящих, в гресех не раскаивающихся, сердцем ожесточенных, сокрушите во спасение и к покаянию призовите, да немощни суще телом, здрави пребудут душею, и причастницы соделаются Божия спасительныя благодати. Братию святаго храма сего, вашему святому заступлению от Бога врученную, и всех к вам усердно прибегающих невредимы сохраните от долгонедужия, от болезней лютых и неисцельных, от разслабления тела, от исступления ума, от смертоносныя язвы, от внезапныя смерти, и мощным ходатайством вашим к Богу соблюдите в правой вере твердых, во благочестии преспеющих, в добрых делех усердных, в молитве к Богу прилежных, да с вами вкупе сподобятся в будущем веце присно воспевати и славити всесвятое и великолепое имя Отца и Сына и Святаго Духа во веки веков. Аминь.