Делегейде эң-не улуг кижи кымыл? Дегийт дораан: "Авам эң-не улуг!"- дээр мен. Маргыжар-даа, шынзыдар-даа болзуңарза, Маажым мону катап-катап катаптаар мен. Авам аажок улуг дээрзин көргеним шын, Авам аажок эргим дээрзин билирим шын. Кавайымдан көрүп, дыңнап өскен болгаш, Кажанда-даа өске-биле солувас мен. Аалга кежээ деңни кыпсып, чырыдыпкаш, Ажы-төлүн чемгерер дээш ажаансырап, Аай-дедир шимчеп турар дүрзүлерден Авамның-на хөлегези эң-не улуг. Чадыр-өөвүс авам чокта ээнзиргей, хос. Чаза одап алырга-даа сооксумаар, шык...

Тыва кижи дыка бөдүун: Хүндүлээчел, эскериичел, Бергелерге торулбас-даа, Белен чүвээ менээргенмес. Тыва оолдуң овурунда Чоргаар, орлан, мөге-шыыраа, Коргуш чогу, дидими-даа Даштындан-на көстүп чоруур. Кара-ла саар идиктерлиг, Кара, чараш, торгу тоннуг, Дордум курлуг, кежегелиг, Турза — узун, тутса — мөге. Кашпагайы кедергей-ле. Тыва кыстың бүдүжүнде Чайгаар чаяан эриг баары, Угаангыры, сагынгыры, Чүден артык алдар ады. Улугларны, бичиилерни Хүндүлежип билир чаңныг, Эргим эжин хүндүлеп көөр, Адын сыкпас тыва кызы...