Mana men nega Westminsterda ham oʻqiganman: Yulduz Usmonova konserti xomiylaridan biri "Ahmad Tea" ekan. (Men yoqtirgan choylardan). Xalqlar Doʻstligiga kiraverishda turli stentlar oldida choylar sotuvga ham qoʻyilgan. Sotuvchi sifatida model tanishim ishlayotgan ekan. Zerikib oʻtiribdi, keldim. Uyoq buyoqdan gaplashib turdik. Nihoyat opa "Muhabbat" va "Yor biyo" ashulalarini aytib konsertga yakun berdi. Va soʻkib bersa ham yana opani sevaveradigan qavm zaldan chiqa boshladi. Vodiylik emasmi, tushmagur choylarga qarab bir aka yurib keldi. Akani analiz qila boshladim, soqolli, hali "Yor biyo" ashulasini oxirgi kupletida chiqyapti demak oʻzi kelmagan, asosiy boshqa odam uchun kelgan shunga oʻzi ertaroq chiqyapti, aniq onasini yoki xotinlaridan biri va/yoki bir nechtasini olib kelgan. Olmaydigan joyiga, qoʻlini choʻntagiga solib millionta savol bermoqchi edi. Maqsad ayollari chiqquncha choyni tomosha qilib vaqt oʻtkazish edi. "Tinchlantiradigan choy qaysi biri?"dan boshladi savolni. Boya kelganimda choylarni bir qator koʻrib chiqqandim, "Ahmad Tea" yozuvi tushirilgan firmenniy temir qoshiq qoʻshib tikilgan qadoqdagi choyda rus tilida "Charchoqli ish kunidan keyin" degan slogan bor edi. Oʻshani koʻrsatvoraqoldim. - Akajon ishdan kelib shuni damlatib ichsangiz kenayimga, hamma charchoqlaringiz chiqib ketadi. Dorivor, giyoh qoʻshilgani shunisi. - Dorivor?... Yoqmay qolsachi? Gʻalati taʼmi yoʻqmi? Aytdimku avval boshdan niyat olish emasdi. (Oldirmasammi shu choyni senga) - Endi 200 ming soʻmlik narsa olmayapsizu okajon, ja yoqmasa yoqadigan birortasiga berib yuborsangiz ham boʻladi. Akada, boyagi hamma analizlarni hisobga olganda, aniq reaksiya boshlandi. 25 ming soʻmlik choy uchun past ketib savol soʻraymanmi dedi. - Ha, 2 ta alohida-alohida paketga solib bering. Birisi onamga, birisi xotinga. Shu payt telefoni jiringladi, onam va ayolim deganlaridan biri qoʻngʻiroq qildi. Aka choy soʻraguncha ular zaldan chiqib boʻlgan ekan. Shunday qilib men Ahmad Tea uchun 50,000 soʻmlik sotuvni amalga oshirdim. Hidi yoqmay qolsachi degan joyida model tanishim astoydil yoqishiga ishontirishga harakat qilayotgandi. Bundan foyda yoʻq ekanini tushuntirib, tekin masterklas oʻtdim. @Уткирбек Каххоров