Оригинальный текст песни Туган як – Василя Фаттахова Туган якка юл тотамын Туган як, туган як. Иң гүзәл газиз якка Туган як, туган як. Җир җиләкләре пешкән чак, Туган як, туган як Ашыгам каенлыкка, Туган як, туган як. Талпына куңел, талпына ашкына Ярсуына түз, түз генә, Каенлыкта җиләк пешкән, Тиз үрелеп өз генә. Чәчәкләрнең ниндие юк, Туган як, туган як. Хуш исле аллы-гөлле, Туган як, туган як. Бу якларга беркайда да, Туган як, туган як. Һич тиңнәр булмас төсле, Туган як, туган як. Талпына куңел, талпына ашкына Ярсуына түз, түз генә, Каенлыкта җиләк пешкән, Тиз үрелеп өз генә...

I Октябрь киче... Үзенчә салкын, җепшек һәм моңсу. Көнчыгыштан чыккан сары шар көнбатышка керә дә, юкка чыга. Кайвакыт эш белән артык мавыгып киткән чакларда күзгә күренми дә кала. Ә бөтенләй баегач, авыл үз төсен күз ачып йомганчы үзгәртә дә куя. Күк йөзе алсулыгын югалтып, караңгы зәңгәр төскә керә башлый. Бар тирәлек тавышсыз кала, хәтта усакларның яфраклары да тынлыкны бозарга курыккандай төп-төз генә басып тора. Мондый вакытларда ишегадының тупсасында утыру – үзе бер җанга ләззәт. Беркем дә күңелнең нечкә кылларын таптап-таптап теңкәгә тими. Бары тик тирә-юньгә карасаң, әбиләр чуагына алданып калган кошларның сукрана-сукрана сызгырып утырулары вакыт-вакыт тирән уйларга чумдыра...