Сан сассуна каллех илтни - Ман чунӑм чӑн та чӗрӗлни. Сасартăках телей ҫитни, Шӑпам хӗвел пек хӗрелни. Пӗртен-пӗр хаклӑ, тӑван сас - Телей пӗрчи кашни сӑмахӗ. Сана хӑҫан-ши ҫупӑрлас, Сӑмах хуҫин таса ахахӗ? Эп сансӑр - пушӑ уҫлӑхра, Пӑч тӗттӗм манӑн кашни кун. Эпир ҫӳренӗ улăхра Ҫаплах ӳсет чечеклӗ чун. Пире пӗрле пулма чӗнсе Вӗсем халь тилмĕрсе ыйтаҫҫӗ...

Эп ӑнланмастӑп ҫынсене : Ҫаплах вӑрҫаҫҫӗ темӗнччен . Мӗскер ҫитмест- ши вĕсене - Тем те ӳсет- ҫке ҫӗр ҫинче. Эп ӑнланмастӑп ҫӗршыва : Мӗскер тума ҫапӑҫмалла ? Эс мар хуҫа ҫӗрпе , шывпа , Эппин , мӗншӗн пайламалла ? Эп ӑнланмас халăхсене : Пӗрне -пӗри юнанине . Чунпа эпир тӑвансемех - Пурин те пур атте , анне. Эп ӑнланмастӑп тӗнсене : Тӗнче турри пӗрре пулсан. Кайран хыҫатпӑр ӗнсене - Тӗнрен пулса тӑрсан тусан ...