Сөзү Г. Кууларныы. Орай дүне чивеңнешкен Сылдыстарны көрүңер даан. Хөөкүй ачам сагыш аарып, Оруум айтып имнээн ышкаш. Кожумаа: Авам, ачам Аравыста кезээ шагда, Ажы-төлү бисти кагбайн, Карактап-ла чоруур ышкаш. Октаргайдан саарылган Айның чырыын көрүңер даан. “Күжүр авам, кайда сен?” деп Меңээ уткуй келген ышкаш. Кожумаа: Авам, ачам Аравыста кезээ шагда, Ажы-төлү бисти кагбайн, Карактап-ла чоруур ышкаш...

Амыдырал-чуртталгамның чаяакчызы Авам өөнге ында-хаая чеде бээр мен: Оожургал, эргелениг, чыргалаңның Ордузунда, өргээзинде келген дег мен. Кежик-чолдуң далайынче шымнып киргеш, Кезек када түрег-човаам уттуптар мен: Эгиннерде аар чүъгүм сывырлып каар, Эрес соруум  дажыг хем дег хайныгып кээр. Куш даң бажы шара-хере аткалакта, Кулаам уунда дыңнап-билип чыдарымга, Ием ынаар чалбыышталган оду-биле Изиг-изиг хөөржип олургулаар… Амдыы чаа-ла хайындырган...