Мээң сеткил-сагыжымны өйүп чоруур бир чүве бар. Ол чүл дээрге, бистиң ие апарган уругларывыстыц чаш уругларынга өпей ыры ырлавастааны. Эмчиге бир катап кады чытканым чаш өпеялыг аныяк ава «баю-баю, баюшки» деп телевизорда “Тамчыктыг удуңар, чаштар” деп дамчыдылгада ышкаш, ырлаар болду. Ону дыңнааш: –Аваң, кырган-аваң сеңээ тыва улустуң өпей ырызын өөретпээни ол бе? – дээримге: –Ону канчаар деп, та билбес мен, дыңнаваан мен – деп шыжыгар болду. Шынап-ла, ол хөөкүйде буруу чүү деп, бүгү тыва ниитилелде ындыг чүвени канчаптар боор...