“QORAQALPOQ XALQ SHOIRI BERDAQ ASARLARIDA - XALQ DARDI, INSON QADRI TAMOYILLARINING O‘RNI” MAVZUSIDAGI XALQARO ANJUMAN O‘TKAZILDI 2022 yil 11 noyabr kuni Toshkent pediatriya tibbiyot institutida “Berdaq” hayoti va ijodini o‘rganish, nomini abadiylashtirishga qaratilgan O‘zbekiston Respublikasi Oliy va o‘rta maxsus ta’lim vazirligi, Berdaq nomidagi Qoraqalpoq davlat universiteti, Ajiniyoz nomidani Nukus davlat pedagogika instituti bilan hamkorlikda “Qoraqalpoq xalq shoiri Berdaq asarlarida - xalq dardi, inson qadri tamoyillarining o‘rni” mavzusidagi xalqaro anjuman o‘tkazildi. Toshkent pediatriya tibbiyot instituti jamoasi tomonidan shu kungacha o‘rnak bo‘ladigan 200 dan ortiq targ‘ibot tadbirlari, qator ishlar amalga oshirildi. Berdaq tavallud topgan kunining 195 yilligi munosabati bilan tashkil etilgan xalqaro anjuman ham shular jumlasidandir. Anjumanda O‘zbekiston Yozuvchilar uyushmasi vakillari, Berdaq nomidagi Qoraqalpoq davlat universiteti, Ajiniyoz nomidani Nukus davlat pedagogika instituti va Toshkent pediatriya tibbiyot institutining professor-o‘qituvchilari tomonidan “Berdaq meroslari - ma’naviy xazinamiz asoslari”, “Berdaq ijodida diniy tushunchalar”, Бердах - выдающийся каракалпакский поэт”, “Berdaq ijodi yoshlarga ibrat” va “Berdaq ijodining dolzarbligi” kabi mavzularda ma’ruza va taqdimotlar qilindi. Toshkent pediatriya tibbiyot institutining 2020/2021 va 2021/2022 o‘quv yillarida maxsus stipendiya va ko‘krak nishoni sovrindorlari bo‘lgan talaba-yoshlar va “Pediatr” teatr studiyasi talabalari tomonidan Berdaqning “Axmoq poshsho” asaridan sahna ko‘rinishlari va kuy-qo‘shiqlar ijro etildi. Anjuman so‘nggida ma’ruzachi va tashkilotchilarga sertifikatlar topshirildi. @daminovbotirturgunpulatovich @tashpmi_press

​​ZARARLI ODATLARNING INSON SALOMATLIGIGA SALBIY TA’SIRI Toshkent pediatriya tibbiyot institutining 1-son talabalar turar joyida 2022-yil 10-iyun kuni “Tibbiyot sohasidagi islohotlar - inson qadri uchun” shiori ostida “Zararli odatlarning inson salomatligiga salbiy ta’siri” mavzusida master-klass tashkil etildi. Asab kasalliklari va tibbiy genetika kafedrasi katta o‘qituvchisi Bosimov Muxammadjon Shukurullaevich “Zararli odatlarning inson salomatligiga salbiy ta’siri” mavzusidagi taqdimotini namoyish etdi. Farmakologiya, fiziologiya kafedrasi assistenti M.S.Akbarova rahbarligida “Pediatr” talabalar teatr studiyasining a’zolari ishtirokida “Zararli odatlarning inson salomatligiga salbiy ta’siri”ni aks ettiruvchi nomli sahna ko‘rinishi namoyish etildi. “Pediatr” talabalar teatr studiyasining faol a’zolariga institut rahbariyatining tashakkurnomalari taqdim etildi. @daminovbotirturgunpulatovich @tashpmi_press