Орус дылда кожаң ырга ынаам аажок. Ол дыл дээрге чуртталгамның чамдыы дээр мен. Бижип, номчуп, сактып, дыңнап, боданганым, Билип алган орус дылым үнелээр мен... Ынчалза-даа мээң хуумда чарылбазым, Ынак мен деп чугаалааным чаңгыс дыл бар!...

Шаг шаа-биле өскерлиш чок Чаңгыс черге кайын турар. Ынчалза-даа элдеп чүве, Ынааларлыг, хараачалыг, баганалыг, Олбук, кудус, ширтектерлиг тыва өөвүс Ол-ла хевээр, бүрүн олчаан туруп калган. Бажың-балгат тыва өгнү солупканда, Багай өөвүс уттундуруп чидер часты...