Яқинда Самарқандда кўнгилсиз воқеа содир бўлди. Янги келин қайнонаси билан жанжаллашиб қолди-ю, аламига чидай олмай, қўлига пичоқ олди ва қайнонани пичоқлаб ўлдирди. Бу билан ҳам тўхтамади. Ҳали вояга етмаган қайниси ёнида эди. Унинг кўмагида мурдани гиламга ўради-да, подвалга беркитди. Орадан маълум вақт ўтгач, жасадни Сиёб дарёсига чўктириб юборди. Аммо бузоқнинг югургани сомонхонагача деб бекорга айтишмаган...

Шу кунларда бир гап айланиб юрибди — фикрларини, ёзганда ҳам ҳар қандай маддоҳлик, тилёғламалик, лаганбардорликдан йироқ фикрларини Фейсбукда (эҳтимол, сал ўткирроқ услубда) ёзиб борган бир гуруҳ фаол ватандошларимиз — юмшоқ қилиб айтганда — босимга учраган. Баъзиларига нисбатан ҳатто маъмурий қамоқ жазоси ҳам қўлланилган. «Бибиси»нинг ёзишича (бошқа тайинли ҳеч ким тузук ёзгани йўқ-ку бу ҳақда?), маъмурий қамоққа олинган блогерлардан бири расман фикри учун эмас, балки милиция ходимларига бўйсунмагани учун жазоланган...