Оваа Арт ажары – амыр эвес. А арттың кырынга үнүп келгеш, «мурнун хынаар, соон истээр» дижири дег албан доктаап, боданып аар чаңчылдыг мен. Чүгле мен эвес, өске кижилер база ындыг чораан. Чамдык улус мырыңай чажыг чажып, алгангылап азы сымырангылаар-даа. Бистер – чолаачылар чаңгыс хүн безин та чеже арт ажар улус бис. Арт бүрүзүнге чажыг чажар чайывыс-даа чок. Ынчалзажок, бодум хуумда, Хөн- дергей, Калдак-Хамар, Кызыл-Арт, Адар-Төш дээн ышкаш удуг арттарның оваазынга ыяап-ла бир даш салып каар чаңчылым бар...