Митти ҳикоя ҲАКИМ ЗОКИР *** Улар қўшни ҳовлиларда туғилишди. Яйраб ўсишди. Болалик гаштини суришди. Ҳаёт – оқар дарё мисоли экан. Жуда тез ўтаркан. Кечагина оналари бағридан узилмай эркаланиб юрган болакайлар бугун ҳаёт ҳақида, муҳаббат, оила ҳақида ўйлашга мажбур бўлишаркан. Икки қўшни ҳовлида катта бўлган икки жинс вакиллари маҳалладаги катталарнинг бир-бирларини чорлаб қўшиқ айтишларини эшитишарди, уларнинг висол учрашувларини зимдан кузатишарди. Мана, ниҳоят, узум узумни кўриб ола бўлибди...

Армон олис, осмон яқин.."..шеърлар. Нажмиддин Эрматов (1993 йил). Нажмиддин Эрматов 1993 йили туғилган. Ўзбекистон Миллий университетининг журналистика факультетини тамомлаган. * * * Сентябр тиғ урди август ортидан, Япроқларга сачраб кетди қон. Ҳолсизланган қуёшни судраб, Кетиб борар эди саратон. Куйиб куйлар эди хотима куйин, Атиргул шохидан кетолмаган қуш. Наводек ҳавога кетолмам сингиб, У ёғи хаёл ва у томони туш. Қайта келаверар армонлар ёдга, Ўтмишга интилиб тасаввур ҳалак. Тирама тиғига урар ўзини Саратон қонига беланган юрак...