Молитва святому праведному Алексию, пресвитеру Московскому «К тебе́, о пра́ведне о́тче Алекси́е, мы, гре́шнии и недосто́йнии, притека́ем и со умиле́нием взыва́ем ти: при́зри ны́не ми́лостивно с высоты́ святы́я своея́ на Оте́чество на́ше и нас, тя прославля́ющих. Прие́мый в житии́ свое́м тя́готы люде́й и се́рдцем ми́лующим понесы́й ско́рби их, приими́ в моли́твенное твое́ предста́тельство и нас, грехми́ мно́гими обремене́нных и суето́ю ми́ра сего́ утружде́нных. В тебе́, о ди́вный ста́рче, просла́вися Госпо́дь, яви́в тя таи́нника ми́лости Бо́жия...

О, всечестны́й и преблаже́нный о́тче наш Алекси́е, ди́вный ста́рче Моско́вский и всея́ Це́ркве Росси́йския похвало́ и ра́дование! Ве́лию любо́вь ко Го́споду име́я, заве́ты ева́нгельския непрело́жно исполня́я, ду́шу твою́ за па́ству полага́л еси́, ми́лующим се́рдцем боле́знуя о всех, прося́щих твоея́ по́мощи. Приими́ ма́лое сие́ моле́ние на́ше, и я́ко в земно́м житии́ твое́м отира́л еси́ вся́ку сле́зу, облегча́л еси́ вся́ку ско́рбь, так и ны́не, милосе́рдый моли́твенниче и хода́таю наш, возьми́ тяготы́,...