«Кеше исән чагында кадерен белергә кирәк» Илназ Баһ, җырчы, Татарстанның атказанган артисты: Эльмира белән «Барс Медиа» компаниясендә таныштык. Мин алданрак килгән идем, Эльмира соңрак килде. Дуэтлар солянкасы башланды, без шунда мин иҗат иткән җырны башкардык, ул бик уңышлы гына килеп чыкты. Ул җырны бик күп концертларда җырларга насыйп булды. Аннан икенче җырны – Мурат Гайсин дигән автор-башкаручы җырын җырладык. «Барс Медиа»га килгәч, мин аңа «Ялгыз ана» дигән җыр биргән идем. Ул аны бик матур итеп җырлады...