1465 жылы Оңтүстік Батыс Жетісудің Шу мен Талас өзендерінің аңғарында Керей ханның таққа отыруымен қазақ халқының ұлттық мемлекеті құрылғандығы тарихтан белгілі. Бұл жайлы ортағасырлық Шағатай әулетіне қызмет еткен, Үндістандағы Тимуридтер әулетінен пана көрген тарихшы Мұхаммед Хайдар Дулати өзінің Моғол мемлекетінің ханы Абд Ар-Рашид ханға арнаған "Тарих-и Рашиди" еңбегінде жазады. Қазақ хандығын құрушы Керей мен Жәнібек сұлтандар Шыңғыс ханның ұлы Жошы ұрпағынан тарайды. Арғы аталары Жошының үлкен ұлы Орда Ежен...

XVIII ғасырдың 30 жылдарынан бастап, сыртқы қысымның нәтижесінде Ресей империясының құрамына шарасыздықтан кіруге мәжбүр болған қазақ халқы ХХ ғасырдың бас кезінде өз жеріне өзі иелік ете алмаймын, тіршілігін жасай алмайтын тек жанбағатын жағдайға жетті. Ресей империясы бірнеше мәрте өз құрамына кірген қазақтарды өзінің ішкі мүддесі үшін бірнеше рет құрбандыққа шалып, өмір сүруін қиындатып жіберді. 1861 жылы Ішкі Ресейдегі басыбайлық құқықтың жойылуымен өз басына еркіндік алған шаруалардың басым түрде қоныстанған жері - осы біздің Қазақ жеріміз болатын...