Қазақстан қауіпсіз және тұрақты инвестициялық орта қалыптастыруға кепілдік береді. Мұны Президент Париж төрінде француздық компаниялардың басшыларымен жүздесуінде айтты. Қазақстан ортақ саяси-экономикалық мүдделерін одан әрі ілгерілету үшін Еуропамен, оның ішінде Франциямен қарым-қатынасты жан-жақты жолға қоюға мүдделі. Әрі, бұл бағытта аянып қалмайды, барлық мүмкіндіктерді қарастыруға бейіл. Тіпті, шетелдік инвесторларды қолдау үшін ел заңнамаларына қажетті түзетулерді енгізуге де әзір. Өйткені, Қазақстан қуатты, бәсекеге қабілетті және инвесторларға тартымды ел болуды мақсат етіп отыр. Қазақстанда жемісті жұмыс істеп жатқан 170-тен астам француз компаниясы біздің экономикамыздың дамуына елеулі үлес қосуда. Оның ішінде ішінде Total Energies, Orano, Airbus, Vicat, Air Liquide, Alstom, Saint-Gobain және т.б. сынды компаниялар бар. Сонымен қатар Қ. Тоқаев басқа да компанияларды инвестиция салып, бізде қорықпай жұмыс істеуге шақырды. Әсіресе, ауыл шаруашылығы, көлік-логистика, өнеркәсіп т.б. салаларда. Осылайша, Қазақстан жаңа саяси бағытының арқасында дамуға, өркендеуге, үздіксіз ілгерілеуге ашық елге айналуда. Мұны Президент мәлімдеген алдағы 7 жыл ішінде 150 миллиард доллар тікелей шетел инвестициясын тарту туралы жоспарымыз да айғақтаса керек. Қазақстан өзінің ұлттық мүдделерді қорғауға бағытталған теңдестірілген, сындарлы сыртқы саясатты жүзеге асыруын жалғастырады. Бұл ретте өзара тиімді ынтымақтастық пен стратегиялық әріптестік басты назарда қала береді. #CCS httt.me/...413