Сіздердің біразыңыз 2012 жылы Ақан Сатаев түсірген "Жау жүрек мың бала" фильмін көріп шыққан боларсыздар. Бұл фильмде жоңғар шапқыншылығының қазақ дәстүрлі көшіп қонуына әсер еткендігін жақсы көрсетілген. Фильмнің басында тау етегінде орналасқан далалы жерде қоныстанған қазақ ауылына жоңғарлар шабуыл жасап, Сартай батырдың әке-шешесін өлтіріп кететіндігі бар. Ал кейін Сартай батырдың есейген шағы орманды жерде қоныстанған атасының ауылында өскендігі баяндалады. Фильмде Сартай, Таймас, Қорлан үшеуі бірігіп таулы орман аңғарынан түсіп жоңғарларды өлтіретіндігі бар...

XVIII ғасырдағы қазақ халқының қайғылы кезеңі 1723-1727 жж. шығыстағы Жоңғар хандығының тұтқиылдан жасалған жорығы "Ақтабан шұбырынды, Алқакөл сұлама" аталғаны белгілі. Ақтабан шұбырынды, Алқакөл сұлама дегеніміз - жаудан жаяу қашып, шұбырған халықтың Алакөлден - Алқакөл жеткен уақыт деп түсіндіріледі. Осы кезеңнің қайғылы жағдайын - халыққа таныстыра білген Қожаберген жырау болды. Қожаберген жырау - осы кезеңді көзімен көрген тарихи тұлға. Ақтабан шұбырынды, Алқакөл сұлама қайғылы уақытына - "Елім-ай" толғауын арнаған...