Минея, 25 Марта, Канон праздника Глас 4 Песнь 1 Ирмос: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуйся, Тоя́ чудеса́. Припев: Пресвята́я Богоро́дице, спаси́ на́с. Да пое́т Тебе́, Влады́чице, движа́ свире́ль духо́вную, Дави́д, пра́отец Твой:/ послу́шай, Дщи, ра́дованнаго гла́са от А́нгела,/ ра́дость бо возвеща́ет Тебе́ неизглаго́ланную. Припев: Пресвята́я Богоро́дице, спаси́ на́с. Вопию́ Тебе́, веселя́ся,/ приклони́...