Тропарь, глас 4 Яко пленных свободитель, и нищих защититель, немощствующих врач, царей поборниче, победоносче великомучениче Георгие, моли Христа Бога, спастися душам нашим. Кондак, глас 4 Возделан от Бога, показался еси благочестия делатель честнейший, добродетелей рукояти собрав себе: сеяв бо в слезах, веселием жнеши: страдальчествовав же кровию, Христа приял еси: и молитвами, святе, твоими, всем подаеши прегрешений прощение. Величание Величаем тя, страстотерпче святый великомучениче и победоносче Георгие, и чтим страдания твоя, яже за Христа претерпел еси...