Къарачай-малкъар тилни ариулугъу, энчилиги багъасызды. Ол къуру тауушла бла жорукъланы жыйымы болуб къалмай, хар сёзде да бегитилген халкъны жашау тарыхы бла жаныды. Француз тил сюймекликни тили дегенле, къарачай-малкъар тилни хазна биле болмазла...

Къарачай-малкъар халкъны маданиятында, тиширыуну жаулугъу уллу магъанагъа иеди. Ол жаланда башны жабаргъа угъай, тиширыуну даражасын, юйюнде орнун да белгилейди. Жаулукъну къысханы бла тиширыу тюрлю-тюрлю хапар айтады, сёзсюз тилде ангылатады. Эртденликде къызны жаулугъу аны жашлыгъын, тазалыгъын белгилейди. Къыз жаулукъну эки къанатын да имбашы бла сыртына атса, ол тышына (эрге) чыкъмагъанды, эрге барыргъа хазыр тюйюлдю деген магъананы тутады. Жаулукъну къысханы бла къыз кесини оюмун билдиреди, келечилени къабыл этерге хазырмыды, огъесе дагъыда сакъларгъа сюемеми деп...