Нижневартовск шәһәрендә Антон исемле 20 яшьлек егетне үтергәннәр. Фаҗига 2 егет 1 кызны бүлешә алмаганга килеп чыккан. Җәен кыз егетләрнең берсе белән очраша, аннары икенчесенә китә. Көндәшләр ярты ел чамасы тарткалаша, һәм коточкыч фаҗига килеп чыга. Бу турыда «Комсомольская правда» хәбәр итте. «Алар Рома белән бер кыз өчен ярты ел тарткалашты – сугыштылар да, талаштылар да. Кичә ул Антон янына гаражга килгән, урамга сөйләшергә чакырган, Антон чыкмаган. «Алайса мин сине үтерәм», – дигән. Аннары пычак кадаган да, ике дусты белән качып киткән», – ди биредә яшәүче кеше...