🔶Қазақстан драма театрларының XXX республикалық фестивалi балалар әдебиетінің классигі Бердібек Соқпақбаевтың 100 жылдығына арналды Бұл мәдени іс-шара жыл сайын өткізіліп келеді. «Фестивалде іріктеуге алынған спектакльдермен алдын ала сараптамалық кеңес жұмыс істеді. Олардың қатарында еліміздің белгілі театр сыншылары мен театр мамандары бар. Сараптамалық кеңес жұмыс барысында республиканың драма, музыкалы-драма, музыкалы комедия, жастар және балалар театрлары секілді 12 шығармашылық ұжымның қойылымдары сараптан өтті», - деді ҚР Мәдениет және ақпарат министрлігі Мәдениет комитеті төрағасының орынбасары Азамат Белқайыров ОКҚ алаңында өткен баспасөз конференциясында. Республикалық фестивальдің талаптарына сай деп танылған 9 театрдың қойылымдары көрермен назарына ұсынылады. Ал Астана қаласы әкімдігінің «Жастар» театры фестивальдің қонағы ретінде қатысады.