У першай палове 20 стагоддзя, падчас міжваенай Польшчы Бярозаўка была невялікай вёскай у якой на 1921 год жыло ўсяго 65 жыхароў, але дзякуючы гуце, якая тут існавала, колькасць жыхароў павялічвалася і ўжо на 1927 год толькі на гуце па афіцыйным звесткам працавала каля 338 чалавек. Таксама паводле некаторых крыніц у 1924 годзе ў Бярозаўцы была пабудавана капліца, таксама ёсць зветскі, што капліца тут была і раней у 1784 годзе). Але на гістарычных мапах таго часу не паказана ніякіх пабудоў у Бярозаўцы, таму нельгя дакладна казаць калі была пабудавана капліца...

З Мінска на поўнач вядзе дарога, якую мы ведаем пад нумарам Р-28. Яна ідзе каля Заслаўя, праз Радашковічы ў бок Маладзечна. Раней гэтая дарога была часткай вядомага Віленскага тракта з Вільні ў Мінск, якому, нават, прысвечыў свой верш беларускі паэт Янка Купала: Мінск, Маладзечна, Вільня... Як жа знаёмы шлях гэты! Змерыў яго я калісьці, Як шукаў шчасця па светах. Дык вось пасля Радашковічаў былы віленскі тракт трапіць ў вялікую вёску Краснае. Вёска раней мела назву Краснае Сяло, якую з часам паменьшылі да аднаго слова Краснае...