🎤🪗15 апрелдә Йылайырҙың Мәҙәниәт һәм ял үҙәге базаһында "Мин яратам һине, тормош!" өлкән быуын кешеләре ижады республика фестиваленең зона этабы үтте. Фестиваль өлкән быуын кешеләренең ижади потенциалын асыу маҡсатында үткәрелә, уларҙың хәҙерге донъяла тулыраҡ социаль адаптацияһына булышлыҡ итә. Белорет районы “Белореттар - беҙ бергә!” концерт программаһын тәҡдим итте. Программала ҡурсаҡтар һәм актерҙар театр-студияһы, "Кирәл" гармунсылар ансамбле, "Вдохновение" бейеү ансамбле, "Житница" фольклор ансамбле ( Александр Житнюк), шулай уҡ "Өлкәр" башҡорт мәҙәниәте үҙәге етәксеһе - Сәғирә Ғәлиуллина, Үҙәнбаш ауылынан Заһир Муллағәләмов һәм Сермән сәнғәт мәктәбе ҡурайсыһы Ласын Мәғәфүров ҡатнашты. Үҙешмәкәр артистарҙың сығышын мәртәбәле жюри баһаланы. Уның составына билдәле сәнғәт әһелдәре Нәзифә Ҡадирова, Рәмил Ғәйзуллин, Райхана Абдулхаева, Әлфиә Юлсурина, Лилиә Иванова инде. Ҡатнашыусыларыбыҙға рәхмәт белдерәбеҙ һәм Өфө ҡалаһында Гала-концертта осрашыуға тиклем !