«Самырык этнолабораторий» проект шке пашажым умбакыже шуя. Т.Евсеев лӱмеш Калыкле тоштерын тӱҥ корпусыштыжо кажне шуматкечын кидмастар-влакын лекцийыштым колышташ лиеш. 15 апрельыште мотор ӱдырамаш, уста кидмастар Надежда Акиева деке унала коштынна. Вес гана чолга кидмастар, этноблогер , сылне Женя Кошкина дене вашлиялтына. Ушештарем, «Самырык этнолабораторий» проект Росмолодежьын грантше полшымо дене илышыш шыҥдаралтеш. Тудым Евсеев лӱмеш тоштерын этнографий пӧлкажын кугурак шанче пашаеҥже, историй шанче кандидат, Надежда Васканова вуйлата...

Икымше аклымашым калык ончыко лукнем. Таче 2021 ий 1 март. «ШИЙ ПАМПАЛЧЕ» мюзикл «Ший Пампалче» мюзиклын премьерыж годым икымше гана миенам ыле. 13 февральыште кокымшо гана ончаш коштым. Кок составшымат ужым. Шке шонкалымаш-влакем тыште возынем. Вигак каласен, тиде мыйын шонкалымаш. Кажныжым посна аклаш гын, кок тӱрлӧ спектакльым ончымыла чучеш. Икымше состав - йомак сынан ыле, а кокымшо - илыш деке лишкырак. Кокымшо ганаже «Ший Пампалчым» ончаш йоча-влак ятырак толын улыт ыле. Мюзикл мучашыште пеш келшыш манме шомакым шукак кольым...