Сибай концерт-театр берекмәһенең «Сулпан» балалар театры «Марсҡа ҡәҙәр бер билет» спектаклен Өфөнөң М.Ғафури исемендәге башҡорт дәүләт академия театрында ҡуйҙы. Ғаилә йылында айырыуса ҙур әһәмиәткә эйә булған Ырымбур драматургы Александр Тюждың был пьесаһын сәхнәгә яҡташ режиссер Нәркәс Искәндәрова сығарҙы. Мәскәү һәм Санкт-Петербург ҡалаларынан килгән ижади төркөм-- композитор Григорий Кручинин, рәссам-ҡуйыусы Алексей Балашов, костюмдар буйынса рәссам Елена Ермакова, хореограф Алена Олефиренколар әҙерләгән спектаклде башҡала мәктәптәре уҡыуысылары һәм ата-әсәләр бик йылы ҡабул итте.Пьеса «Берҙәм Рәсәй» партияһының «Кесе Ватан мәҙәниәте» программаһына ярашлы «Бәләкәй ҡалалар театрҙары», «Театр--балаларға» проекттары сиктәрендә ҡуйылды. Башҡортостандың атҡаҙанған артистары--Гөлназ Исламғолова, Рәмзиә Сөнәғәтова, Фәһим Сөнәғәтов, актерҙар Юлдаш Юлдыбаев, Альбина Байназарова, Морат Амантаев, Ишморат Моратов, Зәлиә Ғәлиәхмәтова, Илгизә Зәйнуллина, Эльвира Мөхәмәтшина башҡарыуындағы тамашаны балалар ихлас ҡараны.